Bashkimi Evropian pritet të prezantojë paketën e 20-të të sanksioneve kundër Rusisë deri më 24 shkurt.

Finlanda dhe Suedia kanë kërkuar nga Komisioni Evropian që në këtë paketë të futet ndalimi për eksportin e mallrave luksoze në Rusi, për ta bërë të paligjshëm shërbimin e tankerëve rusë të naftës, si dhe uljen e kuotave të BE-së për importin e plehrave kimike ruse.

Aktualisht, eksporti i mallrave luksoze me vlerë mbi 300 euro është i ndaluar, por ekzistojnë skema anashkaluese që lejojnë shitjen e tyre në Rusi, transmeton Euroactiv.

Paketat e mëparshme të sanksioneve kanë përfshirë masa të ashpra ekonomike, por Rusia ka gjetur mënyra për t’i anashkaluar pjesërisht, sidomos përmes vendeve të treat.

Propozimet e Finlandës dhe Suedisë synojnë të shtrëngojnë më tej presionin ekonomik mbi Moskën, veçanërisht në fushën e të ardhurave nga energjia dhe mallrat luksoze.

/rtsh.al/