Lufta në Ukrainë- Zelensky në Britani, takohet me Mbretin Charles dhe kryeministrin Starmer

Botë | 1 vit më parë

Presidenti ukrainas Volodymyr Zelensky ka udhëtuar këtë të hënë (23 qershor) drejt Britanisë së Madhe për të diskutuar mbrojtjen e Ukrainës dhe mënyrën e ushtrimit të presionit shtesë ndaj Rusisë.

Gjatë kësaj vizite, Zelensky do të takohet me Mbretin Charles, kryeministrin Keir Starmer dhe kryetarët e të dy Dhomave të Parlamentit.

Zëdhënësi i presidentit, bëri me dije se Zelensky do të flasë gjithashtu me personelin ushtarak ukrainas që po trajnohet në Britani dhe përfaqësues të grupeve të ekspertëve.

Ndërkohë, në Ukrainë, dronët dhe raketat ruse gjatë natës, u kanë marrë jetën 10 civilëve.

Dronët dhe raketat goditën zona banimi, spitale dhe infrastrukturë sportive në shumë lagje anembanë Kievit në orët e para të së hënës.

/rtsh.al/

keir starmer

lufta Rusi-Ukraine

mbreti charles

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.