Luiza Gega, kampione Ballkani

Sporte të tjera | 4 vite më parë

Luiza Gega vijon të jetë krenaria e atletikës shqiptare në arenën ndërkombëtare. Pas Mançensterit dhe Hengelos, tanimë ka shkëlqyer dhe në Kampionatin Ballkanik të Krajovës, atje ku ishte e para në 3000 metra me pengesa. Në një distancë të madhe me kundërshtare, Gega e ka prerë e para finishin në kohën 9’17”89 e dyta më e mirë e sezonit. 9’15”48 në Hengelo, 9’17”89 në Krajovë dhe 9’20”79 në Mançester.

E ndërkohë të dielën do të jetë për një tjetër medalje, këtë herë në 5000 metra. Pjesa tjetër e delegacionit, duke llogaritur dhe Franko Burrajn, që në 400 metra ka realizuar kohën 46”90, kanë qenë brenda mundësive të tyre. Kështu Ballkaniku i të rriturve për atletikën shqiptare përmblidhet vetëm në një emër, Luiza Gega.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.