Lushnja fiton derbin, Apolonia “zgjohet” vonë

Futboll Vendi | 2 vite më parë

Ndonëse terreni në “Roza Haxhiu” nuk ishte në kushtet optimale, derbi i Myzeqesë ofroi emocione të mëdha. Lushnja fiton me rezultatin 2-1 derbin kundër Apolonisë, sfidë që çeli javën e 15-të të Kategorisë së Parë dhe u transmetua drejtpërdrejt në RTSH Sport.

Vendasit janë më kërkues në pjesën e parë dhe mbyllin 45 minutat e para të lojës në avantazh falë golit të shënuar nga Kamisoko. Me fillimin e pjesës së dytë, Lushnja shënon sërish me Kaçanollin.

Apolonia mundohet të reagojë dhe shkurton shifrat me Maksutin. Fierakët dominojnë minutat e mbetura, duke synuar golin e barazimit, por nuk arrijnë që të evitojnë humbjen në derbi.

Mbyllet me rezultatin 2-1 sfida në “Roza Haxhiu”. Pas këtij suksesi, Lushnja ngjitet në kuotën e 21 pikëve, në vendin e pestë në renditje, ndërsa Apolonia mbetet në kuotën e 15 pikëve.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.