Maksimumi 50 litra në ditë, Sllovenia vendos kufizime për furnizimin me karburant, angazhon ushtrinë

Botë | 7 muaj më parë

Autoritetet në Slloveni kanë vendosur masa të reja për furnizimin me karburant, duke kufizuar sasinë që qytetarët mund të blejnë çdo ditë. Nga e diela, individët do të lejohen të marrin maksimumi 50 litra në ditë, ndërsa operatorët e transportit do të kenë të drejtë të furnizohen deri në 200 litra.

Vendimi erdhi pas rritjes së çmimeve të naftës në tregjet ndërkombëtare, të ndikuara nga tensionet në Lindjen e Mesme, si dhe pas fluksit të shoferëve nga vendet fqinje, kryesisht Austria dhe Italia, që kërkonin karburant më të lirë në Slloveni.

Megjithëse rezervat kombëtare konsiderohen të mjaftueshme, qeveria paralajmëroi se kërkesa e lartë mund të shkaktojë probleme në shpërndarje. Për këtë arsye, është angazhuar edhe ushtria për të ndihmuar në menaxhimin e situatës dhe garantimin e furnizimit të rregullt.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.