Kylian Mbappé po merr kopertinën e Kupës së Botës me paraqitje të nivelit të lartë dhe gola spektakolar, për kënaqësinë e presidentit të PSG-së Nasser Al-Khelaifi, i cili gëzohet duke parë lojtarin simbol të turneut në Katar të luajë edhe për klubin e tij. Meritë e rinovimit të nënshkruar në ekstrem verën e kaluar, e cila shmangu, të paktën për momentin, transferimin te Real Madrid.

Në këtë pikë, është logjike të pyesim se sa është vlerësimi për Mbappe  sot. Shifra është padyshim në progres dhe në Paris as që kanë ndërmend të japin një vlerësim, duke qenë se lojtari nuk është në treg. Sigurisht që do të ishte një shifër e paprecedentë, si për ta çuar francezin në vendin e parë në renditjen e transfertave më të shtrenjta ndonjëherë, të komanduara aktualisht nga Neymar, i fluturuar nga Barcelona tek PSG për 222 milionë në 2017. Por sa do të vlejnë sot etiketat e legjendave të së shkuarës pak a shumë të afërt të futbollit, nga Ronaldo Fenomeni te Diego Armando Maradona?

Një prej pyetjeve më ikonike për një tifoz futbolli që merr një përgjigje duke përdorur një algoritëm të zhvilluar nga analistët e tregut italian të PlayRatings, i cili, duke marrë parasysh variabla të ndryshëm, rillogariti vlerën e disa prej operacioneve simbolike të tregut të 30 viteve të fundit. Epo, sipas shifrave të studimit, të raportuara nga ‘Sun’, transferimi i Ronaldos nga Barcelona te Interi do të ishte marrëveshja më e shtrenjtë në histori me një vlerë prej 383 milionë paund (rreth 450 milionë euro) nëse do të kishte ndodhur në 2021 kundrejt 27 milionë stërlinave reale 25 vjet më parë. Pas brazilianit, Diego Armando Maradona, të cilin Napoli e bleu nga Barcelona në vitin 1984 për vlerën aktuale prej 305 milionë paund (355 milionë euro).

Pika referencë e analizës është pikërisht kalimi rekord i Neymar nga Barcelona tek PSG deri në atë pikë sa të dhënat e përdorura, duke përfshirë moshën e lojtarëve dhe golat e shënuar, shkuan në formimin e një shumëzuesi të quajtur “Neymarizer”, i cili rrit çmimin e rregulluar me rreth 220% dhe sipas të cilit çmimi real fillestar i kartonit të brazilianit do të ishte 84 milionë paund, i rivlerësuar sot në 196 milionë. Sipas këtij kriteri, vlera e tregut të çmimit të Maradonës kishte arritur tashmë në 390 milionë paund në fund të sezonit 1986-1987, pra një vit pas fitores së Argjentinës në Kupën e Botës dhe disa javë pasi fitoi titullin e parë me Napolin.

Ndër transfertat e tjera më të bujshme, sipas Neymarizer Christian Vieri dhe Michel Platini sot ato do të kushtonin 296 milionë stërlina. I ndjekur në Top 8 nga Marco van Basten (291 milionë) dhe Gabriel Batisuta, transferimi i të cilit në Romë sot do të kushtonte 249 milionë. Më në fund, vlera e Gonzalo Higuain, e paguar 85 milionë euro nga Juventusi te Napoli në 2016, shuma e klauzolës së lirimit nga Napoli te Juventusi në 2016, një vit para merkatos së Neymar, sot do të ishte 234 milionë stërlina.