Mbeten të bllokuar në det pasi iu mbaroi karburanti, shpëtohen dy anglezët në Shëngjin

Aktualitet | 6 muaj më parë

Dy anglezë janë shpëtuar nga Policia Kufitare, pasi kishin mbetur të bllokuar në det pranë Shëngjinit. Dy shtetasit anglezë ndodheshin rreth 2 milje larg bregut, pasi mjeti i tyre tip velierë kishte mbetur pa karburant, duke e bërë të pamundur kthimin në breg.

Menjëherë pas marrjes së sinjalizimit, shërbimet e Stacionit të Policisë Kufitare Shëngjin u nisën drejt koordinatave të raportuara me mjete lundruese dhe bënë të mundur lokalizimin e velierës.

Efektivët morën në bord dy shtetasit dhe i transportuan në mënyrë të sigurt drejt bregut, ndërsa mjeti lundrues u tërhoq dhe u dërgua në kalatën e portit të Shëngjinit.

Të dy shtetasit ndodhen në gjendje të mirë shëndetësore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.