Mbledhja e Qeverisë pas ndryshimeve, munguan Elisa Spiropali dhe Pirro Vengu

Politikë | 8 muaj më parë

Një ditë pas vendimit për ndryshime në qeveri, që u komunikuan mbrëmjen e së enjtes rreth orës 20:00 pas mbledhjes maratonë prej 9 orësh, mes kabinetit qeveritar dhe grupit parlamentar, Kryeministri thirri paraditen e sotme mbledhjen e përjavshme të qeverisë.

Ministrat kanë qëndruar rreth 1 orë në mbledhje, por burimet konfirmojnë se kanë munguar ministrja e Jashtme Elisa Spiropali dhe ministri i Mbrojtjes Pirro Vengu.

Elisa Spiropali dhe Pirro Vengu nuk do të jenë më pjesë e qeverisë dhe do të ushtrojnë detyrën si të zgjedhur. Vendimet e marra pritet të zbardhen në orët në vijim.

Gazetare: D. Shkodrani

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.