Në portë ka qenë gjithmonë Manuel Neuer. Ndeshja e fundit “e pastër” është ajo ndaj Argjentinës në finalen e 2014-ës.

Gjermani-Paraguaj, minuta e 42-të. Një kros nga e djathta i Matias Galarza gjen krejtësisht të lirë në mes të zonës Julian Enciso, lojtarin më të talentuar të “Albirroja”. Sulmuesi i Strasburgut nuk fal dhe ndëshkon Manuel Neuer me kokë. Gjermania pëson gol për të 10-ën ndeshje radhazi në Botërorë. Rekord negativ në historinë e Mannschaft.

Ndeshja e fundit pa gol është finalja e fituar ndaj Argjentinës në 2014-ën. Nga ajo sfidë, portieri i Bayern – gjithmonë ai në këto 10 ndeshje – e ka marrë topin nga rrjeta e portës të paktën një herë çdo 90 minuta.

Gjermanët kanë pësuar gol edhe nga skuadra modeste, si Kosta Rika në 2022-shin që shënoi dy herë, Kuraçao, Ekuadori e Paraguaji këtë edicion. Serinë e golave kundër Gjermanisë e ka hapur Meksika, që fitoi ndeshjen e fazës në grupe të Rusi 2018 me një gol të Hirving Lozano.