Mbyllen me sukses punimet për fushën me bar natyral në stadiumin

Futboll Vendi | 2 vite më parë

Ka përfunduar me sukses një tjetër investim i Federatës së Futbollit në infrastrukturë.

Punimet e fushës me bar natyral në stadiumin “Luftëtari” të Gjirokastrës janë mbyllur dhe në këtë stadium më 24 nëntor do të luhet ndeshja AF Luftëtari – Delvina.

Ky investim u realizua falë bashkëpunimit të suksesshëm dhe të ngushtë midis FSHF-së dhe Bashkisë së Gjirokastrës, në një kohë që punimet në stadium do të vijojnë për rikonstruksionin e dhomave të zhveshjes dhe tribunave të stadiumit. Ky bashkëpunim nuk mbaron këtu, pasi në këtë qytet po punohet edhe për ndërtimin e 2 fushave të tjera.

Investimet në infrastrukturë janë në kuadër të projektit “100 fusha” dhe Komiteti Ekzekutiv i FSHF-së ka miratuar disa investime të rëndësishme për të përmirësuar infrastrukturën sportive në Shqipëri.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.