Mbytja e jahtit në brigjet e Sicilisë, gjenden trupat e dy të zhdukurve, ende në kërkim të 4 të tjerëve

Botë | 2 vite më parë

Ekipet italiane të shpëtimit kanë mundur të gjejnë dy trupat e pajetë të brenda jahtit luksoz “Bayesian” që u mbyt në brigjet e Sicilisë.

Trupat nuk janë identifikuar ende, por janë gjetur brenda jahtit të fundosur. Anija u mbyt në orët e para të mëngjesit të së hënës pranë Palermos pas një stuhie të fortë.

Më herët u gjet trupi i pajetë i kuzhinierit të jahtit, Recaldo Thomas, ndërsa vijojnë kërkimet për gjetjen e 4 trupave të tjerë.

Në jahtin “Bayesian” ishin 22 persona në bord, por 7 prej tyre nuk mund të mbijetonin. Të zhdukur nga mbytja ishin sipërmarrësi i teknologjisë Mike Lynch , vajza e tij 18-vjeçare, Hannah Lynch , kryetarja joekzekutive e Morgan Stanley International Jonathan Bloomer , gruaja e tij, Judy Bloomer , Chris Morvillo , një avokat në Clifford Chance që përfaqësonte Lynch dhe gruaja e tij Neda Morvillo.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.