Me 75 vota pro, Kuvendi miraton aktin normativ për kompensimin e çmimeve për materiale ndërtimi

Politikë | 4 vite më parë

Kuvendi ka miratuar këtë të enjte aktin normativ për kompensimin e çmimeve për materiale ndërtimi. Me 75 vota pro, 33 kundër dhe 1 abstenim, Kuvendi i hapi rrugë kompensimit nga shteti të 300 kompanive të ndërtimit që kanë projekte publike.

Ky akt normativ u bë shkak për jo pak debate gjatë seancës së sotme plenare, ku opozita e kundërshtoi fuqishëm, me argumentin se favorizon “oligarkët”.  Ata vunë në dyshim pronarët e kompanive që do të kompensohen, ku deputetja Jorida Tabaku akuzoi se bëhet fjalë për persona që janë në kërkim apo të hetuar për trafik ndërkombëtar droge.

Megjithatë, Ministrja e Ekonomisë, Delinda Ibrahimaj kundërshtoi akuzat e opozitës, teksa tha se synimi është mbështetja për sektorin e ndërtimit pasi muajt e fundit ka pasur ngadalësim, duke theksuar se qeveria duhet të garantojë rritje ekonomike.

Sipas këtij akti normativ, janë rreth 300 kompani do të përfitojnë 5-30% kompensim për çmimin e rritur të hekurit, çimentos, bitumit, tubave plastike, aluminit, bakrit dhe zinkut deri në përfundimit e situatës së krizës të shkaktuar nga situata globale ekonomike për shkak të rritjes së çmimeve.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme