Më shumë turistë në Shkodër, 80-90 vizitorë kërkojnë çdo ditë informacion në zyrën e informimit

Sociale | 2 vite më parë

80-90 turistë të huaj çdo ditë kërkojnë informacione pranë zyrës së informimit që Bashkia Shkodër ka në qendër të qytetit.

Sipas specialistes të zyrës turistike, Imelda Mullini ky numër është më i lartë se vitin e shkuar duke e kthyer kështu Shkodrën në një destinacion të preferuar.

Mullini tregon se Alpet vijojnë të jenë edhe këtë vit më të kërkuarat.

“Vëmë re një rritje të numrit të turistëve. Sidomos turizmi malor është një nga destinacionet kryesore të turistëve. Më së shumti preferohet Theth- Valbonë apo anasjelltas”, tha Mullini.

Bashkia Shkodër ofron zyrë informimi krahas qytetit të Shkodrës edhe në Theth, ndërkohë që Administrata e Zonave të Mbrojtura ka një të tillë në zonën turistike të Velipojës.

Gazetare: M. Gjoni

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.