“Mes nesh”, 18 gra e vajza nga Durrësi çelin ekspozitë pikture

Kulturë | 8 muaj më parë

“Mes nesh” titullohet ekspozita e pikturës që bëri bashkë 18 piktore gra dhe vajza nga Durrësi, të cilat përmes veprave të tyre përcollën emocione, histori dhe këndvështrime të ndryshme mbi jetën, ndjenjat dhe përvojat njerëzore.

Çdo pikturë përfaqësonte një zë të veçantë artistik, duke pasqyruar ndjeshmërinë, forcën krijuese dhe talentin e grave në art.

“Është një ekspozitë me një qëllim shumë të bukur: të krijojë dialog mes artistëve, punonjësve të turizmit dhe publikut të gjerë,” tha Alketa Tragaj, Drejtoreshë e Qendrës Kulturore “Aleksandër Moisiu” në Durrës.

“Mes nesh” vjen jo vetëm si një ekspozitë arti, por edhe si një hapësirë dialogu dhe reflektimi përmes krijimtarisë së grave artiste. Ekspozita do të qëndrojë e hapur për publikun deri më 18 mars.

Gazetare: N. Spahiu

/rtsh.al/

ekspozite

mes nesh

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.