Udhëheqësi i ri Suprem i Iranit, Ajatollah Mojtaba Khamenei, ka bërë thirrje për unitet kombëtar në një deklaratë me shkrim, me rastin e dyvjetorit të vdekjes së ish-Presidentit Ebrahim Raisi, i cili humbi jetën në një aksident helikopteri në vitin 2024. 

Sipas mediave iraniane, të cilat publikuan edhe foto të tij me Raisin, Khamenei e vlerësoi ish-presidentin për “përgjegjësinë, qasjen politike të përqendruar te të rinjtë, angazhimin ndaj drejtësisë, diplomacinë aktive dhe karakterin popullor të presidencës së tij”. 

Duke iu referuar luftës, ai e përshkroi përpjekjen e popullit iranian si një “epikë historike dhe të pashembullt rezistence” kundër “dy ushtrive globale terroriste”, Shteteve të Bashkuara dhe Izraelit. 

Në të njëjtën kohë, Khamenei theksoi se konflikti ushtarak rrit barrën e përgjegjësisë për të gjithë aparatin shtetëror, nga udhëheqja e lartë deri te administratat lokale, duke nënvizuar nevojën për bashkëpunim dhe unitet në përballimin e sfidave. 

Ky mesazh i udhëheqësit të ri Suprem vjen në një moment të ndjeshëm për Iranin, ku politika e brendshme dhe tensionet rajonale kërkojnë konsolidim të brendshëm dhe një vizion të qartë për të ardhmen. 

/rtsh.al/