Ministri i Ekonomisë, Kulturës dhe Inovacionit (MEKI), Blendi Gonxhja, zhvilloi sot një takim me fortlumturinë e Tij, Kryepeshkopin e Tiranës, Durrësit dhe gjithë Shqipërisë, Imzot Joan Pelushi.

Në një reagim në rrjetet sociale, Gonxhja shkruan se u “U takova me Kryepeshkopin e Kishës Orthodhokse Autoqefale të Shqipërisë, Fortlumturinë e tij Joanin, për një bashkëbisedim të çmuar mbi rëndësinë e aseteve dhe pavarësisë ekonomike në fuqizimin e kapaciteteve misionare.

“Midis fjalëve të tij frymëzuese dhe urtësisë, folëm dhe ndamë ide për përditësimin e bashkëpunimit me theks trashëgiminë kulturore, objektet monumentale si dhe çështjet humane e sociale.”

Gjithashtu ministri ka shprehur gatishmërinë e MEKI dhe vlerësimin për kontributet e derisotshme, duke nisur punën menjëherë për projektet në vijim.

“Mes vrapit të përditshëm ishte një ndalesë shpirtërore me shumë vlerë.”-mbyll mesazhin e tij ministri.

/rtsh.,al/