Deputeti demokrat Tritan Shehu, ka reaguar për shoqërimin e protestuesve dhe drejtuesve të degëve të Partisë Demokratike pas protestës së ditës së djeshme, ku u bllokuan rrugët në disa qytete të vendit.

Shehu thekson se shoqërimi i deputetëve të opozitës dhe protestuesve bëhet për të krijuar frikë e terror, ndërsa shtoi se asgjë nuk mund ta ndalojë zemërimin e njerëzve të lënë në varfëri dhe pa të drejta.

 “Terrori komunist në veprim! Në Qarkun e Gjirokastrës fillojnë të thërrasin në Komisariatet e policisë grupe protestuesish të mbrëmshëm.

Drejtues të degëve të PD deri te tjerë qytetarë, që me vullnet të lirë protestuan ndaj këtij regjimi! Për të krijuar terror e frikë! Për asgjë nuk mund të ndalojë tashme protestën e zemërimin e njerëzve, të lënë në varfëri, të shkelur në të drejtat e tyre themelore.

I siguroj se ky aksion politik për liri të të gjithëve, të liderit tonë Sali Berisha, demokraci, mirëqenie etj., do vazhdojë të shkoje në ngritje deri në shembjen e regjimit! Ndal revanshit komunist!”, shkruan Shehu në reagimin e tij.

/rtsh.al/