Mot i keq në vend, ministri i Mbrojtjes mbledh Komitetin e Emergjencave

Aktualitet | 10 muaj më parë

Reshjet e shiut me intensitet të lartë kanë përfshirë të gjithë territorin e vendit, duke shkaktuar probleme në disa akse rrugore nacionale.

Autoritetet kanë evidentuar rrezik nga rënia e gurëve dhe materialeve inerte, si dhe prani të shtuar të ujit mbi rrugë, duke vështirësuar qarkullimin e automjeteve.

Për shkak të kësaj situate, ministri i Mbrojtjes , Pirro Vengu ka thirrur mbledhjen e Komitetit të Emergjencave Civile.

Në këtë mbledhje pritet të marrë pjesë edhe Ministri i Bujqësisë dhe Zhvillimit Rural, për të koordinuar masat e nevojshme në menaxhimin e pasojave të motit të keq.

Autoritetet u bëjnë thirrje qytetarëve të tregojnë kujdes të shtuar gjatë lëvizjes në rrugë dhe të ndjekin udhëzimet e strukturave përkatëse.

/rtsh.al/

Komitetin e Emergjencave

pirro vengu

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.