“Muzeu i Kujtesës” në qytetin e Shkodrës i ndërtuar në ambientet e ish-degës së punëve të brendshme vazhdon të frekuentohet edhe gjatë këtyre ditëve , kur po i afrohemi verës nga grupe turistësh dhe nxënësish shkollash të ndryshme.

“Ka një frekuentim mjaft të madh gjatë periudhës që fillon dhe sezoni turistik në qytetin e Shkodrës, sigurisht nuk mungojnë dhe turistë nga vendet e huaja apo edhe vendas”, tha historiani i Muzeut të “Dëshmisë dhe Kujtesës”, Xherardo Nikjari.

Ky muze turistëve i lë ndjesinë e dhimbjes, teksa vizitojnë ambientet e tij.

“Një muze shumë i veçantë që na lë një ndjenjë keqardhje për të shkuarën e vendit dhe historisë që bart në vetvete. Njësia e dhimbjes na shoqëron teksa vizitojmë këto qeli. Për mua e gjithë kjo vuajtje njerëzore është e tepërt, më vjen shumë keq”, tha një turiste.

“Vijmë nga Kebeku i Kanadasë. Po vizitojmë këto ditë Shkodrën dhe një nga ndalesat është edhe ky muze. Një muze me një të shkuar të errët që na bën të njohim më tepër historinë e qytetit. “E vlerësoj si një vizitë me përjetime shumë të forta”, tha një turiste tjetër.

Çdo vit e më tepër ky muze po tërheq vëmendjen e vizitoreve nga e gjithë bota si një nga vendet identitare të historisë së Shkodrës komuniste.

/rtsh/