Pavarësisht diskutimeve dhe deklaratave të fundit politike në Uashington, furnizimet me armë dhe municione për Ukrainën përmes mekanizmit të Listës së Kërkesave me Prioritet (PURL) po vazhdojnë pa ndërprerje.Konfirmimi zyrtar erdhi nga burime brenda Aleancës Veriatlantike gjatë diskutimeve në Bruksel.

Deklarata e NATO-s vjen si përgjigje ndaj raportimeve për mundësinë e përdorimit të programit PURL si një mjet presioni ndaj Kievit zyrtar për të ndalur goditjet ndaj rafinerive dhe infrastrukturës energjetike ruse.

“Mbështetja për Ukrainën përmes PURL vazhdon të rrjedhë.”, tha një zyrtar i NATO-s.

Çfarë është mekanizmi PURL dhe si funksionon ai?

Programi PURL (Prioritised Ukraine Requirements List) është një instrument kyç koordinues i krijuar nga NATO. Përmes këtij mekanizmi:

• SACEUR (Komanda Supreme e Aleancës në Evropë)përcakton paketat e armatimit dhe municioneve me prioritet që i nevojiten Ukrainës dhe që prodhohen në SHBA.
• Aleatët evropianë dhe partnerët e NATO-ssigurojnë financimin e nevojshëm për të blerë këto pajisje ushtarake drejtpërdrejt nga industria amerikane e mbrojtjes.
• NATO dhe struktura NSATUndjekin procedurat e logjistikës dhe dërgimit të pajisjeve në terren.

Raportimet e fundit kishin ngritur shqetësime se administrata amerikane mund të bllokonte funksionimin e kësaj skeme prokurimi për të kushtëzuar taktikat ushtarake të Ukrainës në territorin rus.Megjithatë, përfaqësuesit ushtarakë të NATO-s nënvizojnë se kanalet e furnizimit mbeten funksionale, duke garantuar se nevojat urgjente të frontit për mbrojtje ajrore dhe municione vazhdojnë të plotësohen.

/rtsh.al/