Shirat e rrëmbyeshëm kanë shkaktuar përmbytje të menjëhershme katastrofike në disa pjesë të Teksasit qendror, duke lënë pas shumë viktima. Ekipet e kërkim-shpëtimit po punojnë pa ndërprerje për të gjetur mbi 20 vajza të zhdukura nga Kampi Mystic, një kamp veror privat i krishterë i vendosur përgjatë lumit Guadalupe. Në këtë zonë, niveli i ujit u rrit më shumë se 6 metra në më pak se dy orë. Familjet e katër prej pjesëmarrësve në kamp kanë konfirmuar vdekjen e tyre.  

Qindra njerëz janë shpëtuar ose evakuuar deri më tani, shumë prej tyre me helikopter, sipas autoriteteve. Për të ndihmuar në dhënien e ndihmës së drejtpërdrejtë për shtetin, Administrata Trump do të shpallë një deklaratë federale për fatkeqësi natyrore, të nënshkruar nga Guvernatori i Teksasit, Greg Abbott, siç konfirmoi Sekretarja e Sigurisë Kombëtare, Kristi Noem.

/rtsh.al/