Në kërkim ndërkombëtar nga Italia për trafik droge, kapet në Durrës 50-vjeçari

Aktualitet | 3 muaj më parë

Një 50-vjeçar i shpallur në kërkim ndërkombëtar nga autoritetet italiane është kapur në Durrës dhe ndaluar me qëllim ekstradimin drejt Italisë, ku është dënuar me 6 vite burgim për trafikim të narkotikëve.

Sipas Policisë, i ndaluari është shtetasi G. L., 50 vjeç, lindur në Kavajë, i cili ishte shpallur në kërkim ndërkombëtar pas një vendimi të Gjykatës së Apelit të Romës, Itali, në mars të vitit 2025.

Gjykata italiane e ka dënuar atë me 6 vite burgim për veprën penale “Trafikimi i narkotikëve”, kryer në bashkëpunim, sipas legjislacionit penal italian.

Ndërkohë, Interpol Tirana, në bashkëpunim me autoritetet homologe italiane, po vijon procedurat për ekstradimin e 50-vjeçarit drejt Italisë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.