Muzeu i Pogradecit periudhën e fundit ka pasur një rritje të madhe të vizitorëve, ky institucion pas restaurimit ka pritur qindra vizitorë vendas dhe të huaj të cilët janë njohur me fondin muzeal tepër të larmishëm.

“Muzeu është i hapur për vizitorët çdo ditë të javës, dhe është një nga destinacionet më të vizituara”, u shpreh Froseda Tola, përgjegjëse e muzeut të Pogradecit.

Tola tregon që përpos numrit te vizitorëve vendas muzeun e vizitojnë edhe turistët evropian sidomos pas zbulimeve arkeologjike të fundit në Lin, ku një pjesë e palafiteve është ekspozuar në këtë muze.

“Vizitorët janë të interesuar veçanërisht për banesat palafite duke u bërë dhe pjesa që tërheq më shumë ato”, tha ajo.

Vizitorët sidomos të huaj pasi vizitojnë muzeun e Pogradecit planifikojnë vizita edhe në sajtet e tjera kulturore historike në rrethin e Pogradecit. 

Gazetare: E. Xhidole      

/rtsh.al/