Nëna solli në jetë foshnjën në makinë, Koçiu: Gëzojnë shëndet të plotë

Sociale | 2 vite më parë

Një ngjarje e pazakontë ndodhi mbrëmjen e djeshme në kryeqytet, ku një nënë për shkak të pamundësisë për t’u dërguar në maternitet për shkak të bllokimit të trafikut si pasojë e protestës së demokratëve, solli në jetë foshnjen e saj në makinë.

Ministrja e Shëndetësisë Albana Koçiu ka reaguar mbi ngjarjen duke bërë me dije se nëna dhe foshnja gëzojnë shëndet të mirë.

“Mirënjohje nga zemra për mjekët dhe infermierët e Spitalit Universitar të Traumës, të cilët i erdhën në ndihmë nënës dhe bebit që për shkak të protestës ditën e djeshme nuk arritën të mbërrinin në kohë në maternitet. Falë ndërhyrjes së tyre të shpejtë dhe më pas kujdesit të ofruar nga stafi i SUOGJ “Mbretëresha Geraldinë”, nëna dhe vogëlushja sot gëzojnë shëndet të mirë”, shkruan Koçiu.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.