Kryeministri izraelit Benjamin Netanyahu ka deklaruar se Izraeli s’ka pasur asnjë partner më të madh se presidenti amerikan Donald Trump, duke e lavdëruar për udhëheqjen e tij përballë kërcënimeve rajonale.

“E falënderoj atë për udhëheqjen e tij të guximshme. Ai u përball me guxim me një rrezik të madh për Amerikën, Izraelin dhe botën”, tha Netanyahu.

Sipas kryeministrit izraelit, pa ndërhyrjen e përbashkët të Shteteve të Bashkuara dhe Izraelit kundër Iranit, Teherani do të kishte realizuar fantazitë e tij të çmendura.

Netanyahu nënvizoi se veprimi i koordinuar kishte penguar qëllimet e rrezikshme të regjimit iranian, të cilat, sipas tij, përbënin kërcënim serioz për sigurinë e Izraelit, Amerikës dhe rajonit më gjerë.

Deklarata e Netanyahut vjen në kuadër të vazhdimit të aleancës së ngushtë midis qeverisë izraelite dhe administratës Trump.

Kryeministri izraelit e përshkroi Trumpin si partnerin strategjik më të rëndësishëm që Izraeli ka pasur, duke theksuar rolin e tij në përballjen me sfidat e sigurisë në Lindjen e Mesme.

Netanyahu e cilësoi veprimin e përbashkët si të nevojshëm për të ndaluar atë që ai e quajti fantazi të çmendura të Teheranit, duke i dhënë theks të veçantë rëndësisë së udhëheqjes së vendosur amerikane.

/rtsh.al/