NFL, Kampionët e Kansas City nisin sezonin duke mposhtur rivalët

Sporte të tjera | 2 vite më parë

Sezoni i rregullt i NFL-së amerikane nisi ditën e sotme ku në orën 2:30 në Kansas ku vendasit e Chiefs sfiduan dhe mposhtën Ravens me shifrat 27-20.

Skuadra e Andy Ried nis me këmbën e mbarë edhe këtë sezon ku pretendon për të bërë “trisin” e famshëm. Chiefs me Mahomes në regji kanë mundur që të fitojnë dy titujt në NFL në dy sezonet e fundit ndërsa këtë sezon qëllimi është i qartë.

Sinjali për rivalet u dha në takimin e parë ku përballë ishin pretendentët për titull nga Baltimora. Siç pritej Ravens me Lamar Jackson në regji vendosën në vështirësi Kansas City, por në fund ishin këta të fundit që dolën fitimtarë duke shfrytëzuar faktorin fushë.

Javën e ardhshme skuadra e Chiefs do të ndeshet me një tjetër pretendente për titull siç është Cincinnati Bengals, e cila do të ketë përsëri të gatshëm Joe Burrow.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.