Orkestra Simfonike e RTSH-së u ngjit në skenën e Universitetit të Arteve më 19 shkurt 2026, duke i dhuruar publikut një mbrëmje të ngrohtë dhe të ndjerë muzikore.

Nën drejtimin e dirigjentit Facundo Agudín, koncerti solli dy vepra të mëdha që folën me gjuhë të ndryshme, por u takuan natyrshëm në të njëjtën frymë.

Në pjesën e parë u interpretua Simfonia nr. 4, op. 60 e Ludwig van Beethoven, një vepër që erdhi e gjallë, me ritëm dhe dritë. Orkestra e solli me energji të pastër, duke theksuar herë pas here kontrastet dhe qetësinë që pason shpërthimin.

Më pas, skena iu besua tingullit të brishtë dhe njëkohësisht të fuqishëm të Koncertit për violinë në Re minor, op. 47 të Jean Sibelius. Solistja Laura Llozi ndërtoi një dialog të ndjerë me orkestrën, duke i dhënë veprës thellësi dhe finesë.

Mbrëmja u mbyll mes duartrokitjeve të gjata, duke lënë pas një ndjesi të qartë  muzika, kur interpretohet me sinqeritet, gjen gjithmonë rrugën drejt publikut.

Gazetare: Xhilda Kondi

/rtsh.al/