Ministri i Mbrojtjes së Pakistanit ka deklaruar se vendi ndodhet në një “luftë të hapur” me Afganistanin, pas goditjeve të fundit ushtarake në territorin afgan.

“Durimi ynë tani ka mbaruar,” tha Khawaja Muhammad Asif pas sulmeve.

Sipas autoriteteve pakistaneze, sulmet u kryen si përgjigje ndaj aktiviteteve të militantëve që operojnë përtej kufirit dhe që akuzohen se gjejnë strehë në Afganistan. Objektivi i goditjeve ishin bazat e militantëve, të cilat u shënjestruan nga forcat pakistaneze.

Nga ana tjetër, qeveria afgane ka dënuar ashpër veprimet, duke i cilësuar si shkelje të sovranitetit të vendit.

Ndërsa një armëpushim i brishtë midis dy vendeve u ra dakord në tetor, negociatat nuk arritën një marrëveshje më të gjerë për një fund të plotë të armiqësive, me të dyja palët që fajësuan tjetrën për mosangazhimin serioz në bisedime.

Pakistani ka akuzuar prej kohësh qeverinë talebane të Afganistanit për mbështetjen e “terroristëve anti-pakistanezë”, të cilët i fajëson për kryerjen e sulmeve vetëvrasëse në vend, përfshirë në një xhami në kryeqytet kohët e fundit.

/rtsh.al/