Pas 5 orësh bllokim nga pala greke, rihapet kalimi për automjetet në Qafë Botë

Aktualitet | 1 vit më parë

Është rihapur pas 5 orësh kalimi i automjeteve në pikën kufitare të Qafë Botës, që ishte bllokuar nga pala greke.

Burime thanë se shkak për këtë bllokim u bë arrestimi i një doganieri grek që shërbente në pikëkalimin kufitar në Mavromat, ku është instaluar dogana greke.

Nga pala shqiptare thanë se bllokimi ishte i paparalajmëruar, duke penguar kalimin e çdo automjeti, përfshirë edhe autobusët e linjës Sarandë-Athinë.

Automjete të shumtë u detyruan të kthehen mbrapsht, pa mundur të shkojnë në destinacion. Situata krijoi jo pak shqetësim dhe kaos në Qafë Botë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.