Pedro Neto e hap, Enzo Fernandez e mbyll: Chelsea mposht Los Angeles FC

Botërori i Klubeve 2025 | 1 vit më parë

Fushata e Chelseat në Kupën e Botës për Klube nisi me një fitore. Në Atlanta, Blues mposhtën Los Angeles FC 2-0. Pedro Neto i dha epërsinë kampionëve të Ligës së Konferencës në minutën e 34-të, pas një pasimi nga Nicolas Jackson, ndërsa Enzo Fernandez, i cili hyri në fushë në fillim të pjesës së dytë, vulosi fitoren në minutën e 79-të.

Emocioni i fundit ishte gjuajtja me të majtën e lojtarit më të mirë në fushë, Pedro Neto, i cili përkëdheli traversën në aksionin që çoi në fishkëllimën e fundit.

Pavarësisht se nuk shkëlqeu, Chelsea merr në shtëpi tri pikët dhe komandon grupin, në raundin tjetër kundër Flamengos mund të hipotekojnë vendin e parë në grupin D.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.