Në Kukës nuk mungojnë banorët që kanë zgjedhur ditët e festave të nëntorit, ndonëse vendi tashmë  është i veshur me ngjyrat kuq e zi, duke i bashkuar dhe me fundjavën, të organizojnë udhëtime të shkurta disa ditore jashtë vendit.

“Nëntori është muaj me fluks, ku kërkohen paketa turistike për 2-3 ditë ku të kalojën festat. Stambolli, Praga e Barcelona janë ndër më të referuarat”, u shpreh Klodiana Visha, operatore turistike

Ata që preferojnë udhëtimet janë kryesisht grupe të organizuara që zgjedhin paketa turistike për shkak të çmimit më të favorshëm.

“Janë grupe shoqërore apo dhe mosha deri në 40 vjeç që preferojnë të shohin vendet jashtë. Paketat turistike për Europën kanë çmime të përballueshme”, u shpreh ajo.

Muaji dhjetor kryesisht gjatë festive të fundvitit referuar të dhënave nga agjencitë turistike ka një numër të lart rezervimesh kryesisht drejt Gjermanisë, Italisë por dhe Britanisë se Madhe.

/RTSH/