Përmbytja në Vlorë pas reshjeve, Dredha: Situata është kthyer në normalitet brenda dy orësh

Aktualitet | 1 vit më parë

Reshje të dendura shiu përfshinë sot qytetin e Vlorës, duke shkaktuar përmbytje në disa zona, përfshirë rrugën “Albano dhe Romina” dhe lagjen historike të Muradies. Prurjet e mëdha të ujit bllokuan përkohësisht automjetet në disa segmente rrugore, duke vështirësuar qarkullimin.

Kryetari i Bashkisë, Ermal Dredha, reagoi menjëherë, duke theksuar se situata ishte kthyer në normalitet brenda dy orësh.

Sipas tij, reagimi i shpejtë i ekipeve të Ujësjellësit dhe shërbimeve të bashkisë bëri të mundur pastrimin e pusetave dhe rivendosjen e qarkullimit.

Zonat më të prekura ishin lagja “Skelë”, zona pranë bibliotekës publike, rreth Kishës Ortodokse dhe sheshi “Albano & Romina”. Bashkia njoftoi se puna për pastrimin e plotë të territorit po vazhdon.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.