Një aksident hekurudhor është regjistruar mëngjesin e së mërkurës në Spanjë, ku dy trena të shpejtësisë së lartë janë përplasur.

Si pasojë, të paktën 10 persona kanë humbur jetën, teksa dyshohet se numri i viktimave mund të rritet. Po ashtu, raportohet edhe për persona të plagosur, por numri i saktë mbetet ende i paqartë. Autoritetet kanë pezulluar qarkullimin në linjën Madrid-Andaluzia.

Aksidenti ndodhi midis dy trenave të shpejtësisë së lartë që shkonin në të njëjtin drejtim, ku njëri u përplas me pjesën e fundit të tjetrit, duke nxjerr dy nga vagonët e tij nga shinat.

Kryeministri spanjoll Pedro Sanchez ka reaguar, duke thënë se është “i tronditur nga aksidenti i rëndë hekurudhor në Toledo”.

“Unë mbetem në kontakt të vazhdueshëm me Ministrin e Transportit dhe me presidentin e Castilla-La Mancha. Shërbimet e emergjencës po punojnë në terren për të ndihmuar të prekurit. Shpreh ngushëllime dhe solidaritet për të gjitha viktimat dhe familjet e tyre.” tha Sanchez në X “.

Në janar, 45 persona vdiqën në Spanjën jugore kur një tren doli nga shinat dhe goditi një tren që po vinte përballë. Aksidenti ishte më vdekjeprurësi në Spanjë që nga një aksident i vitit 2013 që vrau 80 persona.

/rtsh.al/