Një 47-vjeçar është arrestuar në flagrancë në Sarandë, pasi po kryente punime për ndërtimin e paligjshëm të një objekti në zonën e plazhit “Shqiponja”, në lagjen nr. 4.

Gjatë kontrolleve në terren u konstatua një sipërfaqe toke e sheshuar dhe e mbuluar me materiale ndërtimore. Nga verifikimet rezultoi se toka po përgatitej për ndërtimin e një objekti me qëllim përfitimi nga shtetasi A. R., banues në Tiranë.

Gjithashtu, nga hapësira e plazhit që administronte pa leje 47-vjeçari, u hoqën dhe u sekuestruan 48 shezlongë dhe çadra.

Në lidhje me rastin, Policia ka pezulluar nga detyra Specialistin e Policimit në Zonë (SPZ), A. N., ndaj të cilit ka nisur edhe procedimi disiplinor për shkelje të rëndë, pasi nuk kishte konstatuar paligjshmërinë në zonën që mbulonte.

Materialet procedurale i janë referuar Prokurorisë për veprime të mëtejshme, ndërsa kontrollet dhe verifikimet në territor vijojnë.

/rtsh.al/