Policia e Shtetit ka hartuar një plan të detajuar masash për garantimin e rendit dhe sigurisë në Fan-Zonë ku priten të ketë një numër të madh tifozësh në kuadër të zhvillimit të ndeshjeve të futbollit “Euro2024”.

Strukturat e Policisë së Shtetit në të gjithë qarqet kanë hartuar një plan të detajuar masash për garantimin e rendit e sigurisë dhe mbarëvajtjen e trafikut rrugor para, gjatë dhe pas përfundimit të ndeshjes së futbollit Shqipëri-Itali, e vlefshme për Kampionatin Europian “Euro 2024”.

Në këtë kuadër, shërbimet e policisë do të përqendrohen në sheshet qendrore të qyteteve dhe në zonat e grumbullimit të tifozëve (Fan Zone), të ngritura nga bashkitë.

Gjithashtu strukturat e Policisë Rrugore kanë planifikuar shërbime të përforcuara në të gjithë akset rrugore kombëtare, rrugët urbane dhe bulevardet e qyteteve.

Policia e Shtetit u bën thirrje qytetarëve të respektojnë ligjin gjatë grumbullimeve për ndeshjen Shqipëri-Itali dhe të bashkëpunojnë me shërbimet e policisë për parandalimin e incidenteve.

/rtsh.al/