Shqip
English
Français
Deutsch
Ελληνικά
Italiano
Srpski
Türkçe“Policia, shtrihu!”/ Në kërkim për plagosjen e rëndë të tre personave, arrestohet në Shijak 19-vjeçari, momenti kur ndërhyn Operacionalja
Një 19-vjeçar i shpallur në kërkim, i dyshuar si bashkëpunëtor në plagosjen e rëndë të tre personave, është kapur në fshatin Pjezë të Shijakut.
Operacioni i koduar “Village” u organizua nga Drejtoria Vendore e Policisë Durrës, në bashkëpunim me Komisariatin e Policisë Shijak dhe Njësinë Operacionale të DVP Durrës, pas informacioneve të siguruara për vendndodhjen e shtetasit të kërkuar.
Si rezultat i operacionit, në fshatin Pjezë u kap dhe u ndalua shtetasi L. C., 19 vjeç, banues në Shijak.
19-vjeçari ishte shpallur në kërkim pasi dyshohet se, mbrëmjen e 26 korrikut 2026, në lagjen nr. 13, Durrës, në bashkëpunim me shtetasin M. H., i cili vijon të jetë në kërkim, gjatë një konflikti për motive të dobëta, kanë goditur me mjete prerëse tre shtetas.
Gjykata e Shkallës së Parë e Juridiksionit të Përgjithshëm Durrës, më 4 gusht 2026, ka caktuar masën e sigurisë “Arrest në burg” për shtetasit L. C. dhe M. H., për veprën penale “Plagosja e rëndë me dashje”, kryer në bashkëpunim.
Policia vijon punën për kapjen e shtetasit M. H. Materialet procedurale i janë referuar Prokurorisë për veprime të mëtejshme.
Në kërkim për plagosjen e tre personave, kapet në Shijak 19-vjeçari
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
