Vau i Dejës është kthyer në një destinacion mjaft të preferuar për ata që adhurojnë natyrën dhe duan të eksplorojnë bukuritë e saj të pafundme. Numri i turistëve të cilët vizitojnë liqenin e Komanit dhe lumin e Shalës arrin mesatarisht 2500 në ditë. Kështu shprehet drejtoresha për turizmin në bashkinë Vau i Dejës, Entela Kolaj në një intervistë për RTSH.

“Numri i turistëve krahasuar me vitet e tjera është shumë i lartë. Në liqenin e Komanit turistët i kanë kaluar 2500-2800 turistë të ditë”, tha Kolaj.

Sipas saj operatorët turistik kanë lidhur kontratat me bashkinë për pastrimin e liqenit të Komanit dhe lumit të Shalës.

“Lumi i Shalës është aset i jashtëzakonshëm. Bizneset atje kanë lidhur kontrata për pastrimin e liqenit me bashkinë”, tha ajo.

Ndërkohë ndërtimi i rrugës së Komanit premtuar pak ditë më parë nga Kryeministri Edi Rama, do të jetë një portë e re për turizmin në këtë zonë shprehet drejtoresha e turizmit Entela Kolaj.

Vau i Dejës po bëhet çdo ditë e më tërheqës, ku numri i turistëve sikurse na informojnë edhe oparatorët turistik është shtuar shumë vitet e fundit.

Gazetar: Mirsad Rakaj

/rtsh.al/