Prishtina fiton Superkupën e Kosovës

Kosova | 3 vite më parë

Prishtina ka fituar Superkupën e Kosovës, pasi ka mposhtur me rezultatin 2-1 Ballkanin në finalen e luajtur në fushë neutrale në “Mardan Sports Complex” në Antalia të Turqisë.

Kryeqytetasit, që fituan Kupën e Kosovës sezonin e kaluar, mbyllën pjesën e parë në avantazh falë golit të shënuar nga Sinani.

Prishtina dyfishon shifrat sapo fillon pjesa e dytë me Kryeziun. Ballkani mundohet të reagojë, por goli i Dulajt vjen shumë vonë dhe nuk mund të ndryshojë dot fatin e kësaj sfide.

Mbyllet 2-1 finalja e Superkupës dhe Prishtina fiton trofeun e parë sezonal të Kosovës, pasi arriti që të mposhtë kampionët në fuqi të Ballkanit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.