Prodhimi i bollshëm i ullirit në Berat, kërkesa të mëdha nga Shkodra dhe Tirana

Sociale | 2 vite më parë

Zona e Lapardhasë në Berat ka nisur vjeljen e ullirit dhe këtë vit , fermerët thonë se prodhim është i bollshëm dhe tregu për shitje është i garantuar, ndërsa çmimi ndryshon në bazë të cilësisë. Momentalisht ai ka vlerën mbi 100 lekë për kg, për fermerët ky çmim justifikon kostot.

Ulliri kokërr madh i Beratit është i kërkuar kryesisht për konsum tavoline . Tregu i Tiranës ka kërkesat më të mëdha për shitje dhe më pas vjen Shkodra. Zona e Lapardhasë është e pasur me pemë ulliri dhe prodhimi i tyre përbën ekonominë kryesore të shumë familjeve. Berati është i njohur për cilësinë jo vetëm të ullirit kokërr për konsum tavoline por edhe për vajin e tij.

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.