Të rinjtë gjithnjë e më shumë po tërhiqen drejt arsimit profesional. Edhe shkollat e kësaj natyre, siç është edhe “Ndre Mjeda” në Bushat, përmes promovimit që bën ka në fokus nxitjen arsimit profesional dhe përthithjen e sa me shumë nxënësve që mbarojnë klasat e nënta.

Në këtë shkollë sipas drejtorit Ruzhdi Kapedani janë arritur objektivat ku numri i nxënësve të rinj të ardhur nga klasat e nënta është 43.

“Kemi regjistruar gjithsej 43 nxënës, kjo ka ardhur si rezultat i promovimit, pasi kemi ngritur një ekip promovimi në për shkollat 9-vjeçare të zonës dhe qarkut. Kemi arritur që t’i bindim që arsimi profesional është parësor dhe të jep mundësi punësimi”, tha Kapedani.

Ky lloj arsimimi i pajis nxënësit me aftësi praktike, që janë të nevojshme për profesione si inxhinieria, teknologjia, artizanati e bujqësia.

Gazetar: M. Rakaj

/rtsh.al/