Protesta para Kryeministrisë hyn në ditën e 94-të, policia bllokon afrimin e protestuesve nga hyrja anësore

Aktualitet | 2 muaj më parë

Protesta përpara Kryeministrisë ka vijuar edhe sot në ditën e 94-të, ku protestuesit u mblodhën sërish për të përsëritur kërkesat e tyre drejtuar qeverisë.

Ndryshe nga ditët e mëparshme, pjesëmarrësit në protestë janë përpjekur t’i afrohen godinës qeveritare nga hyrja anësore e saj. Për të parandaluar afrimin e tyre drejt kësaj hyrjeje, forcat e Policisë së Shtetit kanë ndërhyrë duke ngritur një kordon dhe një perimetër sigurie në zonën përreth.

Protestuesit vijojnë të përsërisin kërkesat për dorëheqjen e kryeministrit Edi Rama, largimin e “kastës së vjetër” politike, shfuqizimin e ndryshimeve në ligjin për zonat e mbrojtura, ndryshimin e ligjit zgjedhor etj.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.