Punimet për rrugën lidhëse mes Transballkanikes dhe Portit të Jahteve në Vlorë, IKMT shemb godinën e fundit në lagjen “1 Maji”

Aktualitet | 7 muaj më parë

Inspektorati Kombëtar i Mbrojtjes së Territorit ka ndërhyrë këtë të premte, 3 prill, me mjete të rënda për shembjen e një godine trekatëshe në lagjen “1 Maji” të Vlorës, e cila prekej nga projekti i rrugës lidhëse mes Transballkanikes dhe Portit të Jahteve.

Procesi i shembjes u vonua për shkak të kundërshtimeve të pronarëve, të cilët kishin çuar në gjykatë mosmarrëveshjet mbi vlerën e dëmshpërblimit. Banorët kanë kundërshtuar vazhdimisht shumat e ofruara, duke argumentuar se ato nuk pasqyrojnë çmimet reale të tregut.

Edhe në aksionet e mëparshme për shembjen e objekteve në këtë zonë, banorët kanë shprehur pakënaqësi dhe kanë protestuar kundër vendimeve, duke kërkuar vlerësim më të drejtë të pronave të tyre.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.