Putin “zhduket” nga skena publike, anulohen të gjitha ngjarjet tradicionale të fundvitit

Botë | 4 vite më parë

I ulur dhe i heshtur. Kështu do ta mbyllë papritur presidenti rus, Vladimir Putin, vitin 2022. Në javët e ardhshme, armët nuk do të heshtin në Ukrainë, teksa zëdhënësi rus, Dmitry Peskov tha se nuk do të ketë armëpushim për festat.

Në fakt, Kremlini ka bërë të ditur se Putin anulon fjalimin për gjendjen e kombit që mban çdo vit para parlamentit dhe që ishte caktuar të zhvillohej më 27 dhjetor.

Njoftimi i Moskës ka bërë që menjëherë të ngrihen pyetje: a nuk ka çfarë t’i thotë Putini Rusisë, apo mungesa e tij e paralajmëruar nga skena publike gjatë festave lidhet me arsye shëndetësore apo sigurie?

Presidenti rus Vladimir Putin, gjithashtu nuk ka në plan të marrë pjesë në ndeshjen tradicionale të hokejit mbi akull në Sheshin e Kuq këtë sezon festash./ TGCOM

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.