Qeveria u bën thirrje japonezëve të bëjnë blerje racionale mes frikës për megatërmet

Botë | 2 vite më parë

Autoritetet në Japoni u kanë bërë thirrje njerëzve që të shmangin magazinimin e gjërave, pas paralajmërimeve për mundësi të një megatërmeti.

Njerëzit janë parë nëpër dyqane duke blerë gjëra më shumë sesa zakonisht, përfshirë edhe pajisjet e nevojshme në kohë fatkeqësish.

Autoritetet kanë thënë se pas tërmetit 7.1 shkallësh të së enjtes, i cili ka lënë 14 persona të plagosur, Japonia do të mund të përballet me ndonjë tërmet tjetër të madh.

Dyqanet në Tokio kanë vendosur një paralajmërim në hyrje se u vjen keq për mungesë të disa produkteve, dhe që mungesat janë rezultat i “raportimeve në media për tërmetin”.

“Kufizimet potenciale në shitje do të mund të zbatohen”, është thënë në paralajmërim, dhe që do të përcaktohet sasia e ujit që mund të blihet, për shkak të blerjeve joracionale.

Sipas REL

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.