Inteligjnca artificiale vjen në ndihmë të arbitrave dhe asistentëve të tyre. Për Botërorin 2026, avatarët në 3D të 1248 lojtarëve do të bëjnë më të qartë shikimin e pozicionit jashtë loje.

Kjo do të arrihet falë siluetave digjitale të afta të kopjojnë pamjen e futbollistëve, duke e bërë atë më reale dhe më të lehtë për t’u kuptuar nga spektatorët e tifozët. Sepse të gjithë do të shohin pamje më të qarta në ekran.

Pierluigi Collina, shefi i arbitrave të FIFA-s, ka bërë të qartë se kjo risi nuk do të zbehë rolin e vijërojtësve, por do të ndihmojë në marrjen e vendimeve më të sakta. “Do të kemi gjithmonë nevojë, teknologjia do të na ndihmojë, por do të nevojitet gjithmonë ndërhyrja njerëzore për të vendosur, nëse një veprim është i ndëshkueshëm apo jo.

Ky është një suport, shërben për vendime më precize. Skeleti i sportistëve nuk është i njëjtë për të gjithë, natyrisht. Tani do të jetë i personalizuar për gjatësinë, volumin dhe gjatësinë e këmbës”, – ka thënë Collina.

Nuk do të jetë risia e vetme që lidhet me inteligjencën artificiale. FIFA dhe Lenovo kanë lançuar edhe “FIFA AI Pro”, që u ofron trajnerëve dhe lojtarëve një analzië të të dhënave të plota.