Riaktivizohet zjarri në Çërrilë të Mallakastrës, ndërhyhet edhe nga ajri

Aktualitet | 2 muaj më parë

Një vatër zjarri është riaktivizuar pasditen e sotme në Çërrilë të Mallakastrës, duke përfshirë një sipërfaqe të konsiderueshme me pyll me pisha. Flakët po përhapen me shpejtësi, duke alarmuar banorët e zonës.

Për neutralizimin e zjarrit në terren po punojnë 4 mjete zjarrfikëse, 30 forca të Forcave të Armatosura dhe 20 forca bashkiake. Ndërhyrja po vështirësohet ndjeshëm nga terreni i thyer, i cili e bën të vështirë afrimin e mjeteve dhe forcave pranë vatrës së zjarrit.

Pas kërkesës për ndërhyrje nga ajri, në zonë ka mbërritur edhe një helikopter, i cili do të angazhohet në operacionin për shuarjen e flakëve. Pavarësisht përhapjes së zjarrit, vatrat ndodhen larg zonës së banuar, duke mos paraqitur deri tani rrezik të drejtpërdrejtë për banorët.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.