Kryeministri Edi Rama mbledh këtë të martë grupin parlamentar të Partisë Socialiste, si dhe kabinetin qeveritar.

Kjo mbledhje e zgjeruar mes përfaqësuesve të ekzekutivit dhe legjislativit, vjen në një moment të zhvillimeve intensive në jetën politike të vendit, kur tashmë opozita i është rikthyer parlamentit; kur kanë nisë funksionimin disa komisione hetimore parlamentare, por edhe kur drejtësia po vepron ndaj të zgjedhurve dhe drejtuesve politikë.

Mbledhja i paraprin zgjedhjeve në të gjitha strukturat socialiste në 10 dhe 11 maj, përmes parimit një anëtar një votë, por edhe turit në diasporë të kryeministrit duke e nisur me Athinën më 12 maj, për të vijuar në Milano, Mynih dhe Londër.

Socialistët janë në mandatin e tyre të 3-të qeverisës, por kryeministri nuk e fsheh ambicien për një tjetër mandat, ndaj jeta politike e PS është tepër aktive.

Gazetare: Denada Shkodrani