Rikonstruksioni i shkollës “Sotir Gurra” në Korçë, Rama: Në shtator hap dyert për 640 nxënës dhe 47 mësues

Aktualitet | 6 muaj më parë

Punimet për rikonstruksionin e shkollës 9-vjeçare “Sotir Gurra” në Korçë, një prej institucioneve më të vjetra arsimore të qytetit, po shkojnë drejt përfundimit.

Kryeministri Edi Rama ka ndarë pamje nga procesi i rikonstruksionit, i cili ka përfshirë të gjitha zonat e brendshme dhe të jashtme të shkollës. Janë përmirësuar klasat, laboratorët, hapësirat e mësuesve, si dhe palestra moderne për zhvillimin e aktiviteteve sportive.

Ky është një investim i Ministrisë së Arsimit dhe Bashkisë Korçë dhe në shtator do të hapë dyert për 640 nxënës dhe 47 mësues, të cilët do të nisin vitin e ri shkollor në ambiente moderne dhe me standarde bashkëkohore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.