Shkalla e dytë e Gjykatës së Posaçme vendosi të rikthejë në qeli ish-prokurorin e Sarandës, Sali Hasa. Togat e zeza të Apelit të GJKKO-së rikonfirmuan vendimin e shkallës së parë, duke dënuar përfundimisht ish-prokurorin me 2 vite e 4 muaj burg.

Ai u dënua për korrupsion, me ndryshimin që pjesën e mbetur të dënimit ta vuajë në qeli dhe jo në shërbim prove.

Shkalla e parë e dënoi Sali Hasën me 28 muaj më  31 maj të vitit 2022, por ai qëndroi një vit në paraburgim dhe pjesa e mbetur iu la 4 vite shërbim prove.

Me vendimin e Apelit, ish-prokurori do të kthehet në burg për të vuajtur edhe rreth 10 muaj të tjerë.

SPAK faktoi se Hasa ishte përfshirë në një rast, ku kishte pushuar një procedim penal kundrejt marrjes së parave për një kriminel. Bashkë me ish-prokurorin u vunë në pranga edhe 5 persona të tjerë me akuzën e korrupsionit.

/rtsh.al/