Rrëshqitjet masive të dheut bllokojnë rrugën në fshatin Bashaj të Selenicës, banorët mundohen ta hapin vetë

Aktualitet | 10 muaj më parë

Mbetur të izoluar që nga mëngjesi i së premtes, banorët e fshatit Bashaj në Selenicë kanë nisur vetë një aksion për të hapur një rrugë kalimi për këmbësorët. Një ditë më parë, prefektura dhe forcat xheniere kishin inspektuar zonën dhe kishin sugjeruar përdorimin e një rruge të vjetër alternative për të shkuar në fshat.

Por banorët e konsiderojnë këtë zgjidhje të pamundur, pasi rrit distancën me mbi 10 kilometra dhe e bën udhëtimin të lodhshëm. Forcat xhenio paralajmërojnë se hapja e rrugës aktuale mbetet e pasigurt, pasi mund të shkaktojë shembje dhe shkarje të tjera.

Megjithatë, vendosmëria e banorëve është e madhe dhe ata po krijojnë një kalim emergjent për të mos mbetur të izoluar, duke treguar vetëorganizim dhe bashkëpunim në një situatë të vështirë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.